Pasado o día, desde a Anpa Madreboa non podemos máis que agradecer aos centos de persoas que viñestes onte ao noso cross. Foi moi difícil e moi duro poder organizar un evento que reúne a case 600 participantes, con todo o traballo que implica, pero estamos moi contentos e contentas co resultado obtido, xa que foi unha xornada deportiva, familiar e chea de ilusión, sobre todo nos máis pequenos e pequenas.
Grazas ao equipo de goberno municipal: Leticia Santos (alcaldesa), Jorge Parcero (Facenda) e Dolo Chapela (Ensino) por viren á entrega de premios.
Grazas a todos os colaboradores, grandes e pequenos, que reúnen forzas e esforzo para axudarnos e facer este cross posible. Grazas tamén á Asociación Veciñal de Tirán e, por suposto, ao noso cole e ao seu director Felipe, sempre disposto a ceder instalacións e o que faga falta!
Por último, e moi importante, grazas a Crossfit La Bodega pola megafonía e o aparcamento para o cross. Sodes un máis na familia da Anpa Madreboa, querémosvos!!
Ningún comentario:
Publicar un comentario