Programa Común de Extraescolares 26/27

Trátase do Programa Común de Extraescolares 26/27 organizado conxuntamente polas ANPAs de Moaña (a través da Federación de ANPAs Arco da Vella) e das Anpas dos centro de Moaña.

A principal novidade deste programa común é que o alumnado de calquera centro escolar público de Moaña pode apuntarse ás actividades ofertadas nos demais colexios do municipio. 

Lémbrase que soamente terán que ser socios da ANPA do seu propio centro.

📌📌📌📌Proposta Actividades Extraescolares 📌📌📌📌

 

Calendario Escolar

 Estimadas familias:

Dámosvos a benvida ao novo curso escolar 2026/2027! 

Desexamos que comece cheo de ilusión, aprendizaxe e bos momentos para todo o alumnado, profesorado e familias do noso colexio.

Xa se atopa dispoñible o calendario escolar oficial para este curso. A continuación, resumímosvos as datas máis destacadas que debedes ter en conta para a planificación familiar:

Datas de inicio e fin de curso

• Inicio das clases: Mércores, 9 de setembro de 2026.

• Fin das clases: Luns, 21Xuño de 2027.

Vacacións e períodos festivos

• Vacacións de Nadal: Do 22 de decembro de 2026 ao 7 de xaneiro de 2027 (ambos incluídos).

• Entroido: 8, 9 e 10 de febreiro de 2027.

• Semana Santa: Do 22 ao 29 de marzo de 2027 (ambos incluídos).

Festivos

• Festivo local: Mércores, 11 de novembro de 2026 (San Martiño).

• Festivo autonómico: Venres 19 de marzo 2027

Lembrade que podedes consultar e descargar as imaxes do calendario detallado na nosa última publicación de Instagram ou directamente ao final desta entrada.

Se tedes calquera dúbida ou precisades máis información, podedes contactar connosco a través do correo electrónico do ANPA ou nas nosas redes sociais.

Moito ánimo e feliz inicio de curso a todas e todos!

ANPA Madreboa

Plan madruga 26/27

 

Benvidas e benvidos a un novo curso escolar!

Dende a ANPA Madreboa do CEIP Plurilingüe Tirán poñemos a disposición de todas as familias o Plan Madruga para o curso 2026/2027. Este servizo está pensado para facilitar a conciliación da vida laboral e familiar, ofrecendo un espazo seguro, acolledor e divertido para os máis pequenos antes do inicio da xornada escolar.

Que ofrece o Plan Madruga?

O Plan Madruga garante o coidado e atención do alumnado dende primeira hora da mañá. Entre os seus servizos e beneficios destacan:

• 🥣 Almorzo saudable: Para comezar o día con enerxía e bos hábitos alimentarios.

• 🧩 Actividades lúdicas e convivencia: Xogos, lectura e tempo de lecer compartido con compañeiros/as antes de entrar á aula.

• ⏰ Horario amplo e flexible: Atención dende as 7:30 h da mañá. Ou dende as 7:00h previa solicitude.

Como inscribirse? Pasos a seguir

Inscribirse no Plan Madruga é moi sinxelo. Só tes que seguir estes tres pasos:

1. Solicita a ficha: Podes pedila directamente á ANPA ou na Dirección do centro. Ou descargala directamente de aquí.

2. Envía a documentación: Cumplimenta os datos e envía a ficha e a documentación correspondente por correo electrónico a federacionanpasarcodavella@gmail.com.

3. Únete ao grupo de WhatsApp: Unha vez inscritos, accederedes ao grupo oficial para estar ao día de todos os avisos, novidades e incidencias.

Máis información e contacto

Se tedes calquera dúbida, consulta ou precisades máis detalles sobre o funcionamento do servizo, podedes contactar connosco directamente a través do noso correo electrónico:

📧 anpamadreboa@gmail.com

O Plan Madruga está xestionado por FEANPAS e A.S. Trebellos, e conta coa subvención do Concello de Moaña.

Documentacion para enviar por email:

•     Informacion PLAN MADRUGA 2026-2027
•     Folla Alta
•     Folla de Baixa
•     COMUNICACION DE USUARIOS NE MADRUGA 2026-27
  
•     Autorizacion Imaxes

Actividades Extraescolares curso 26/27

 

Ola a todas as familias!

Xa queda moi pouco para o comezo do novo curso escolar e, para ir comezando a organizarnos, desde a ANPA apresentámosvos as diferentes opcións de actividades extraescolares que propoñemos para o curso 2026/2027.

A continuación, deixámosvos un pequeno resumo coas actividades e os seus beneficios segundo o día da semana no que se imparten:

Luns

• Ioga

  • Idade recomendada: Infantil, Primaria e Adultos.

  • Impartido por: Centro de Yoga Titalee

  • Descrición e beneficios: Traballa a flexibilidade, a hixiene postural, a xestión do estrés e a conciencia corporal a través de posturas e técnicas de respiración adaptadas.

• Recuncho Científico

  • Idade recomendada: Infantil e Primaria.

  • Impartido por: Asociación Ollos Abertos

  • Descrición e beneficios: Un espazo interactivo onde a infancia experimenta de primeira man coa ciencia, fomentando a curiosidade, a observación e o método científico.

• Balonmano

  • Idade recomendada: Primaria.

  • Impartido por: Balonman Cangas

  • Descrición e beneficios: Deporte de equipo que potencia a coordinación dinámica xeral, a velocidade, o traballo en equipo e o xogo limpo.

• Tenis de mesa

  • Idade recomendada: Infantil e Primaria.

  • Impartido por: Cinania TM

  • Descrición e beneficios: Desenvolve reflexos rápidos, coordinación ollo-man, velocidade de reacción e concentración.

Martes

• Gaita e Percusión

  • Idade recomendada: Primaria.

  • Impartido por: A.C. Peis d`hos

  • Descrición e beneficios: Introdución aos instrumentos tradicionais galegos, promovendo o ritmo, a coordinación auditivo-motora e o aprecio pola cultura local.

• Cociña Fácil

  • Idade recomendada: Infantil a 2º de Primaria.

  • Impartido por: Asociación Ollos Abertos

  • Descrición e beneficios: Obradoiros sinxelos e seguros de cociña que promoven a autonomía, a motricidade fina e a curiosidade por alimentos saudables.

• Fun English

  • Idade recomendada: Infantil a 2º de Primaria.

  • Impartido por: Asociación Vagalume

  • Descrición e beneficios: Aprendizaxe lúdica do inglés a través de xogos, cancións e dinámicas expresivas que facilitan a inmersión lingüística natural.

• Baile Moderno

  • Idade recomendada: Infantil e Primaria.

  • Impartido por: Araceli Fernández

  • Descrición e beneficios: Estimula a expresión corporal, a memoria coreográfica, o ritmo e a condición física mediante a música actual.

Mércores

• Chispaxenios

  • Idade recomendada: Primaria.

  • Impartido por: Asociación Ollos Abertos

  • Descrición e beneficios: Actividades de estimulación do pensamento crítico e creativo mediante retos e dinámicas de inxenio.

• Fútbol

  • Idade recomendada: Infantil.

  • Impartido por: Alondras F.C.

  • Descrición e beneficios: Introdución ás bases do fútbol adaptado a idades temperás, favorecendo o desenvolvemento motor e o compañeirismo.

• Tricking

  • Idade recomendada: Infantil e Primaria.

  • Impartido por: Hebe Club

  • Descrición e beneficios: Disciplina que combina patadas de artes marciais, acrobacias e saltos, mellorando a axilidade, a forza muscular e a potencia física.

• Jóvenes Ingenieros / Robótica

  • Idade recomendada: Primaria.

  • Impartido por: Galicia Jóvenes Ingenieros

  • Descrición e beneficios: Creación e programación de proxectos tecnolóxicos, fomentando a resolución de problemas, o pensamento lóxico-matemático e a visión espacial.

• Teatro

  • Idade recomendada: Infantil e Primaria.

  • Impartido por: Rosa Figueroa

  • Descrición e beneficios: Favorece a desinhibición, a expresión oral e corporal, a empatía e a creatividade escénica.

Xoves

• Música e Movemento

  • Idade recomendada: Infantil e 1º de Primaria.

  • Impartido por: A.C. Peis d`hos

  • Descrición e beneficios: Vivencia sensorial da música mediante o corpo e o movemento, mellorando o oído musical, a coordinación e o ritmo.

• Baile + Canto + Pandeireta

  • Idade recomendada: Primaria.

  • Impartido por: A.C. Peis d`hos

  • Descrición e beneficios: Obradoiro integral de música e danza tradicional galega, desenvolvendo a memoria auditiva, a coordinación motora colectiva e a expresión folclórica.

• Taekwondo

  • Idade recomendada: Infantil e Primaria.

  • Impartido por: Hebe Club

  • Descrición e beneficios: Arte marcial que fomenta a disciplina, o respecto, o autocontrol, a flexibilidade e a defensa persoal.

• Manualidades

  • Idade recomendada: Infantil a 2º de Primaria.

  • Impartido por: Asociación Vagalume

  • Descrición e beneficios: Desenvolvemento da motricidade fina, o uso de técnicas artísticas e a imaxinación a través de proxectos plásticos.

Venres

• Patinaxe

  • Idade recomendada: Infantil e Primaria.

  • Impartido por: Xoaniña

  • Descrición e beneficios: Deporte que potencia a estabilidade, a forza no tren inferior, a coordinación e a perseveranza.

• Fútbol

  • Idade recomendada: Primaria.

  • Impartido por: Alondras F.C.

  • Descrición e beneficios: Práctica deportiva orientada a perfeccionar a técnica individual, o sentido táctico e o traballo en equipo.

• Pequenos Chefs

  • Idade recomendada: 3º a 6º de Primaria.

  • Impartido por: Asociación Ollos Abertos

  • Descrición e beneficios: Receitas máis avanzadas adaptadas ao seu nivel que potencian o traballo en equipo, a precisión en medidas e o interese gastronómico.

• Datchball

• Idade recomendada: 3º a 6º de Primaria.

• Impartido por: Felipe

• Descrición e beneficios: Deporte de cancha dividida derivado do balón prisioneiro que destaca polas súas partidas dinámicas, reflexos constantes e alta participación inclusiva.

📌  📌  📌 📌 📌       Inscripción      📌📌📌📌📌📌

📌 Lembrade que para poder asistir e participar en calquera das actividades extraescolares é imprescindible ser socio/a da ANPA.

 Programa de Extraescolares Común cos coles de Moaña

Gracias a este novedoso programa todos os socios e socias poderán asistir as actividades extraescolares de todos os centros de Moaña, sen ter que pagar nada mais que a mensualidade da actividade.

Tedes toda a información no cartaz, pero para calquera dúbida podedes contactar con nos no email: anpamadreboa@gmail.com